დრე (გორის მუნიციპალიტეტი)

სოფელი
დრე
ქვეყანა	საქართველო
მხარე	შიდა ქართლის მხარეშიდა ქართლის მხარე
მუნიციპალიტეტი	გორის მუნიციპალიტეტი
თემი	ატენი
კოორდინატები	41°52′19″ ჩ. გ. 44°04′40″ ა. გ.
ცენტრის სიმაღლე	1420 მ
მოსახლეობა	0 კაცი (2014)

დრე — სოფელი აღმოსავლეთ საქართველოში, შიდა ქართლის მხარის გორის მუნიციპალიტეტში (ატენის ადმინისტრაციული ერთეული).

მდებარეობს თრიალეთის ქედის ჩრდილოეთ კალთაზე, ზღვის დონიდან 1420 მ-ზე, გორიდან 28 კმ-ში.

ისტორია

პირველად დრე მოიხსენიება XVIII საუკუნის სწავლულის ვახუშტი ბატონიშვილის ტანის ხეობის სოფელთა სიაში. გარეშე მტრის წინააღმდეგ ბრძოლების დროს დრე გარკვეულწილად იცავდა ატენს მტრის შემოსევისაგან. XIX საუკუნის 40-იან წლებში დრეში მოქმედებდა ანდრეევსკის ტყავის ქარხანა.

1863 წლის მაისში მებატონე ერისთავებმა დრეს გლეხებს ფულადი გადასახადი გაუდიდეს, შეაწერეს 2000 მანეთი და 45 კაპიკი. გლეხებმა უარი განაცხადეს გადასახადის გადახდაზე. მთავრობამ სოფელში ეგზეკუცია ჩააყენა, ააწიოკა გლეხები და აიძულა ისინი დამორჩილებოდნენ მებატონეს.

1990-იანი წლების დასაწყისამდე სოფელ დრეში ძირითადად ოსური მოსახლეობა ცხოვრობდა. ქართულ-ოსური კონფლიქტის დროს ადგილობრივებმა სოფელი დატოვეს. 2002 და 2014 წლების აღწერის მიხედვით, იქ არავინ ცხოვრობს. 2019 წელს გორის მუნიციპალიტეტმა ნასოფლარად ქცეულ დრეს დასახლების სტატუსი აღუდგინა.

დემოგრაფია

2014 წლის აღწერით სოფელში მუდმივი მოსახლეობა არ არის.

აღწერის წელი	მოსახლეობა	კაცი	ქალი
2002	0	0	0
2014	0	0	0

ლიტერატურა

• კახაძე კ., ჩიმაკაძე თ., საქართველოს ისტორიისა და კულტურის ძეგლთა აღწერილობა, ტ. 5, თბ., 1990. — გვ. 65.

• ენციკლოპედია „საქართველო“, ტ. 2, თბ., 2012.

• ქართული საბჭოთა ენციკლოპედია, ტ. 3, თბ., 1978. — გვ. 634.