ეკა ბესელია
| ეკა ბესელია | |
|---|---|
 | |
| დაბადების თარიღი | 6 ნოემბერი, 1971 |
| დაბადების ადგილი | სენაკი, საქართველოს სსრ, სსრკ |
| მოქალაქეობა |
 სსრკ → საქართველო |
| განათლება | თბილისის სახელმწიფო უნივერსიტეტი |
| ეროვნება | ქართველი |
| პარტია |
ერთიანი ეროვნული საბჭო ქართული ოცნება — დემოკრატიული საქართველო სამართლიანობისთვის |
| საქმიანობა | იურისტი, პოლიტიკოსი |
ეკა ბესელია (დ. 6 ნოემბერი, 1971, სენაკი[1]) — ქართველი იურისტი და პოლიტიკოსი. საქართველოს სამი მოწვევის (2008, 2012, 2016) პარლამენტის წევრი.
ბიოგრაფია[რედაქტირება | წყაროს რედაქტირება]
დაიბადა 1971 წლის 6 ნოემბერს. დაამთავრა თბილისის სახელმწიფო უნივერსიტეტი სამართალმცოდნეობის სპციალობით. 1996–2012 წლებში იყო საქართველოს ადვოკატთა ასოციაციის ადვოკატი. 1997–2012 წლებში იყო საქართველოს ახალგაზრდა იურისტთა ასოციაციის წევრი. 1998 წელს დააფუძნა საადვოკატო კომპანია „ეკა და კომპანია“ და იყო მისი ხელმძღვანელი 2012 წლამდე. 2004–2005 წლებში — გაეროს განვითარების პროგრამა-ის (UNDP) ევროპის ადამიანის უფლებათა სასამართლოს პრეცედენტული სამართალი და ადამიანის უფლებათა დაცვის სტანდარტის ექსპერტი. 2005 წლიდან არის საქართველოს იუსტიციის სამინისტროს სასწავლო ცენტრის მოწვეული ლექტორი. 2006–2007 წლებში იკავებდა საქართველოს ადვოკატთა ასოციაციის ეთიკის კომისიის თავმჯდომარის თანამდებობას. 2006–2008 წლებში იყო საქართველოს ახალგაზრდა იურისტთა ასოციაციის გამგეობის წევრი. 2008 წლის არჩევნებისთვის იყო „ეროვნული საბჭო, მემარჯვენეების“ პარტიული სიის მე-6 ნომერი.[2] 2008–2012 წლებში იყო საქართველოს მე-7 მოწვევის პარლამენტის წევრი პარტიული სიით, საარჩევნო ბლოკი: „გაერთიანებული ოპოზიცია (ეროვნული საბჭო, მემარჯვენეები)“. 2009 წლის საპროტესტო გამოსვლების დროს ბესელია იყო ერთ-ერთი იმ ოპოზიციონერებს შორის, რომლებიც მიხეილ სააკაშვილის გადადგომას მოითხოვდნენ.[3] 2010–2012 წლებში — კავკასიის უნივერსიტეტის ასოცირებული პროფესორი. 2012–2016 წლებში — საქართველოს მე-8 მოწვევის პარლამენტის წევრი (ფოთის მაჟორიტარი), საარჩევნო ბლოკი: „ბიძინა ივანიშვილი — ქართული ოცნება“. 2012 წელს საქართველოს პარლამენტმა ბესელია ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარედ აირჩია.[4] 2013 წლიდან არის ფაზისის აკადემიის პრეზდიუმის წევრი.
საქართველოს მეცხრე მოწვევის პარლამენტის წევრი[რედაქტირება | წყაროს რედაქტირება]
2016 წლის არჩევნებისთვის იყო „ქართული ოცნების“ პარტიული სიის მე-13 ნომერი.[5] 2016–2020 წლებში იყო საქართველოს მე-9 მოწვევის პარლამენტის წევრი პარტიული სიით, საარჩევნო ბლოკი: „ქართული ოცნება — დემოკრატიული საქართველო“. 2018 წლის 27 დეკემბერს ბესელიამ პარლამენტის იურიდიული კომიტეტის თავმჯდომარის თანამდებობა დატოვა.[6] 2019 წლის 22 თებერვალს დატოვა ქართული ოცნება — დემოკრატიული საქართველო.[7] 2019 წლის 20 ივნისს დააარსა პარტია „სამართლიანობისთვის“.[8]
რესურსები ინტერნეტში[რედაქტირება | წყაროს რედაქტირება]
- ეკა ბესელია — საქართველოს ბიოგრაფიული ლექსიკონი
- ეკა ბესელია — საქართველოს პარლამენტის ოფიციალური საიტი (მოძველებული / არქივი / ახალი არქივი)
სქოლიო[რედაქტირება | წყაროს რედაქტირება]
- ↑ ეკა ბესელია — ქონებრივი მდგომარეობის დეკლარაცია. დაარქივებულია ორიგინალიდან — 2020-10-31. ციტირების თარიღი: 2020-10-28.
- ↑ ცხრა ოპოზიციური პარტიის ბლოკის საარჩევნო სია
- ↑ ოპოზიციის ლიდერებმა მიტინგზე სააკაშვილის გადადგომა მოითხოვეს
- ↑ პარლამენტმა 15 კომიტეტის თავმჯდომარე აირჩია
- ↑ ქართული ოცნების საარჩევნო სია
- ↑ ეკა ბესელია იურიდიული კომიტეტის თავმჯდომარის პოსტს ტოვებს
- ↑ ეკა ბესელიამ „ქართული ოცნება“ დატოვა — „მივდივარ იქ, სადაც არის საზოგადოება“
- ↑ „ეკა ბესელიამ პარტია „სამართლიანობისთვის“ დააფუძნა“. on.ge. 2019-06-20. ციტირების თარიღი: 3 იანვარი, 2021. შეამოწმეთ თარიღის პარამეტრი
|access-date=-ში (დახმარება)
| ||||||||
| ||||||||||||||