ექტორ ბალეი

ექტორ ბალეი

პირადი მონაცემები
სრული სახელი	ექტორ როდოლფო ბალეი
დაბადების თარიღი	16 ნოემბერი, 1950 (1950-11-16)
დაბადების ადგილი	ბაია-ბლანკა, ბუენოს-აირესი, არგენტინა
სიმაღლე	186 სმ
სათამაშო პოზიცია	მეკარე
პროფესიონალური კარიერა*
წლები	გუნდი	მატჩი	(გოლი)
1968–1972	ესტუდიანტესი	3	(0)
1973–1976	კოლონი	79	(0)
1976–1978	ურაკანი	112	(0)
1978–1981	ინდეპენდიენტე	31	(0)
1981–1987	ტალერესი	156	(0)
სულ		381	(0)
ეროვნული ნაკრები
1976–1982	არგენტინა	11	(0)
ჯილდოები არგენტინა ფეხბურთი მსოფლიო ჩემპიონატი ოქრო არგენტინა 1978
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება

ექტორ როდოლფო ბალეი (ესპ. Héctor Rodolfo Baley; დ. 16 ნოემბერი, 1950, ბაია-ბლანკა, ბუენოს-აირესის პროვინცია, არგენტინა) — არგენტინელი ფეხბურთელი. თამაშობდა მეკარის პოზიციაზე. 1978 წლის მსოფლიო ჩემპიონი არგენტინის ეროვნული ნაკრების შემადგენლობაში.

1982 წლის ესპანეთის მსოფლიო ჩემპიონატის მონაწილე.

კარიერა

საკლუბო კარიერა

თამაშობდა სხვადასხვა არგენტინულ საფეხბურთო კლუბებში. პროფესიონალურ კარიერას სამოციანი წლების ბოლოს — არგენტინის პრიმერა დივიზიონის მონაწილე „ესტუდიანტესის“ შემადგენლობაში იწყებს. იმ პერიოდში კლუბი თავის ისტორიაში ყველაზე დიდ წარმატებას საერთაშორისო ასპარეზზე აღწევს, როდესაც სამჯერ ზედიზედ (1968, 1969, 1970) ეუფლება ლიბერტადორესის თასს და ერთხელ საკონტინენტთაშორისო თასს ისაკუთრებს (1968). აღმავლობის გზაზე დამდგარი და სტაბილური შემადგენლობის მქონე გუნდის ძირითადი მეკარე — ალბერტო პოლეტი საკმაოდ წარმატებით ართმევს თავს საკუთარ მოვალეობას და ბალეისთვის რთული ხდება მასთან კონკურენციის პირობებში ძირითად შემადგენლობაში ადგილის დამკვიდრება. ასე რომ, „ესტუდიანტესის“ მაისურით არგენტინის პრიმერა დივიზიონის მხოლოდ სამ შეხვედრაში გამოდის მინდორზე და საბოლოოდ, 1971 წლის ბოლოს ტოვებს გუნდს.

ბალეი სათამაშო კარიერას ჯერ სანტა-ფეს „კოლონში“ (1973–1976), ხოლო შემდეგ — ბუენოს აირესის „ურაკანში“ (1976–1978) აგრძელებს. საკლუბო დონეზე ყველაზე დიდ წარმატებას კი აველიანედას „ინდეპენდიენტეს“ რიგებში გამოსვლისას აღწევს (1978–1981). ამ კლუბთან ერთად ბალეი 1978 წლის არგენტინის პრიმერის ნასიონალის ტურნირს იგებს. ფეხბურთის თამაშს 1987 წელს, სერიოზული ტრავმის მიღების გამო — კორდოვის „ტალერესში“ ამთავრებს.

სანაკრებო კარიერა

1976–1982 წლებში არგენტინის ეროვნული ნაკრების ღირსებას იცავს, რომლის შემადგენლობაში 11 შეხვედრას ატარებს.

სანაკრებო სტატისტიკა

ეროვნული ნაკრები	წელი	მატჩი	გოლი
არგენტინა	1976	1	0
	1977	7	0
	1978	1	0
	1979	0	0
	1980	0	0
	1981	0	0
	1982	2	0
ჯამში		11	0

სანაკრებო მატჩები

ექტორ ბალეის მატჩები არგენტინის ეროვნულ ნაკრებში

№	თარიღი	შეხვედრის ადგილი	მასპინძელი	ანგ.	სტუმარი	შეჯიბრება	წყარო
1	10.11.1976	ბუენოს-აირესი	არგენტინა	1–0	პერუ	ამხანაგური
2	12.06.1977	ბუენოს-აირესი	არგენტინა	1–1	ინგლისი	ამხანაგური
3	18.06.1977	ბუენოს-აირესი	არგენტინა	1–1	შოტლანდია	ამხანაგური
4	26.06.1977	ბუენოს-აირესი	არგენტინა	0–0	საფრანგეთი	ამხანაგური
5	03.07.1977	ბუენოს-აირესი	არგენტინა	1–0	იუგოსლავია	ამხანაგური
6	12.07.1977	ბუენოს-აირესი	არგენტინა	2–0	გდრ	ამხანაგური
7	24.08.1977	ბუენოს-აირესი	არგენტინა	2–1	პარაგვაი	ბოგადოს თასი
8	31.08.1977	ასუნსიონი	პარაგვაი	2–0	არგენტინა	ბოგადოს თასი
9	25.04.1978	მონტევიდეო	ურუგვაი	2–0	არგენტინა	ამხანაგური
10	09.03.1982	მარ-დელ-პლატა	არგენტინა	0–0	ჩეხოსლოვაკია	ამხანაგური
11	24.03.1982	ბუენოს-აირესი	არგენტინა	1–1	გფრ	ამხანაგური

მიღწევები

საკლუბო

ინდეპენდიენტე

არგენტინის პრიმერა დივიზიონი

• ნასიონალი
  • ჩემპიონი: 1978

სანაკრებო

არგენტინა

მსოფლიო ჩემპიონატი

• ჩემპიონი: 1978

ლიტერატურა

• გოდუაძე, ლაშა., მსოფლიო თასის ისტორია (1930–2010) / ჯანთიშვილი, გ., თბ.: მსოფლიო სპორტი, 2010. — გვ. 346. 496 გვ.
• Robinson, Michael; Hope-Smith, R. G., Soccer: The International Line-ups & Statistics Series; Argentina 1971-1997, Cleethorpes: Soccer Books Ltd, 1998.

ბიბლიოგრაფია

• კაკაბაძე, მიხეილ (1979). არგენტინის ცის ქვეშ. თბილისი: საქ. კპ ცკ-ის გამ-ბა. 
• ფანჯიკიძე, გურამ (1979). არგენტინა, არგენტინა!. თბილისი: გამ-ბა საბჭ. საქართველო. 
• Glanville, Brian (2018). The Story of the World Cup. London: Faber.  ISBN 9780571325566
• Yametti, Carlos Francisco (1987). El Archivo del Fútbol. Buenos Aires. 

რესურსები ინტერნეტში

• FIFA Tournaments · Players & Coaches · Hector Baley