ტყაიის წმინდა გიორგის ეკლესია
წმინდა გიორგის სახელობის ეკლესია — ეკლესია საქართველოში, ზუგდიდის მუნიციპალიტეტის სოფელ ტყაიაში.
ტაძრის ისტორია[რედაქტირება | წყაროს რედაქტირება]
სოფელი ტყაია ზუგდიდის რაიონის ერთ-ერთი ლამაზი სოფელია, რომელიც ზუგდიდიდან 17 კილომეტრის დაშორებით მდ. ენგურის მარცხენა მხარეს მდებარეობს. სოფლის დღევანდელი ტერიტორია დადიანების მმართველობის ჟამს მთლიანად ტყით ყოფილა დაფარული და იგი მთავართა საყვარელ სანადირო ადგილს წარმოადგენდა. მიუთითებენ სოფლის სახელწოდებასაც აქედან წარმოიშვაო -„ტყაია“ მეგრულად ტყიან ადგილს ნიშნავს.შემდგომში დადიანებს ეს ადგილები ჩიქოვანებისათვის უანდერძიათ, რომელთა შთამომავლობა დღესაც ცხოვრობს სოფელში.
გასული საუკუნის პირველ წლებში სოფლის მკვიდრმა სიმონ ბეჟანის ძე ჩიქოვანმა, რომელსაც მემკვიდრე არ მიეცა, თავისი საცხოვრებელი ადგილ-მამული დაულოცა ახლო ნათესავს - ბარდღა კადირბის ძე ჩიქოვანს, რომელსაც სამსონის ანდერძის მიხედვით ნაჩუქარ ადგილას უნდა აეშენებინა წმინდა გიორგის სახელობის ეკლესია. ბარდღა ჩიქოვანმა მონდომება არ დაიშურა და ეკლესია 1910-1912 წლებში ააშენა. კედლების ასაშენებელი აგური იქვე, ადგილზე გამოწვეს, თუნუქის სახურავი სტამბოლიდან ჩამოიტანეს. ღვთის შემწეობითა და სოფლის თანადგომით დიდებული ეკლესია აშენდა 1910–1912, სადაც ანდერძის მიხედვით სიმონ ჩიქოვანი და მისი მეუღლე ეკლესიში დაასაფლავეს.
ახალაშენებულ ეკლესიაში 1914 წელს ეპისკოპოს ლეონიდეს კურთხევით მედავითნედ დაუდგენიათ ამავე სოფლის მკვიდრი ნიკოლოზ ქუხილავა, რომელიც 1925 წლიდან სამღვდელო ხარისხში აყვანილი მეუფე სვიმეონის ლოცვა-კურთხევით, სიცოცხლის ბოლომდე მიუხედავად მრავალი განსაცდელისა, აღასრულებდა ღვთისმსახურებას.
1990 წლიდან ადგილობრივმა მაცხოვრებლებმა დაიწყეს ეკლესიის აღდგენითი სამუშაობები, რომლებიც დიდწილად (80%) დააფინანსა სოსო ხვიჩავამ, ხოლო აღდგენით სამუშაოებს ხელმძღვანელობდა დემურ ფიფია. ხვიჩავამ სპეციალურად ჩამოასხმევინა ოთხი სამრეკლო ზარი (350, 180, 100 და 15 კგ) და ჩამოიტანა მოსკოვიდან, ასევე მთლიანად დააფინანსა ეკლესიის შემოღობვის სამუშაოები. ეკლესიის და შემოგარენის აღდგენაში ფიზიკურად ჩართული იყო ადგილობრივი მოსახლეობა.
2000 წელს ზუგდიდისა და ცაიშის ეპისკოპოსმა გერასიმემ (შარაშენიძე) აკურთხა აღდგენილი ტაძარი და წინამძღვრად დეკანოზი გაბრიელ გულორდავა დაადგინა. 2000 წელს ზუგდიდისა და ცაიშის ეპისკოპოსმა გერასიმემ აკურთხა აღდგენილი ტაძარი და წინამძღვრად მღვდელი გაბრიელ გულორდავა დაადგინა, ხოლო 2003 წლიდან ტაძრის წინამძღვარია მღვდელი გალაქტიონ ფიფია. ტაძრის დღესასწაული აღინიშნება გიორგობას.
რესურსები ინტერნეტში[რედაქტირება | წყაროს რედაქტირება]
- ზუგდიდისა და ცაიშის ეპარქიის ოფიციალური საიტი დაარქივებული 2014-09-03 საიტზე Wayback Machine.